Qazaqstannyń úzdik hokkeıshisi belgili boldy
ASTANA. QazAqparat - Óskemendik «Torpedo» hokkeı klýbynyń jáne ulttyq quramanyń kapıtany Evgenıı Rymarev Qazaqstannyń úzdik hokkeıshisi atandy, dep habarlaıdy sports.kz.
«Qazaqstannyń úzdik hokkeıshisi» baıqaýynyń dırektorlar keńesi 2017-2018 jylǵy maýsymnyń laýreatyn anyqtaıtyn dástúrli saýalnamanyń qorytyndysyn jarııalady.
Daýys berý nátıjesinde «Torpedonyń» jáne Qazaqstan quramasynyń shabýylshysy 29 jastaǵy Evgenıı Rymarev 2017-2018 maýsymynyń úzdik hokkeıshisi atandy. Jeńimpaz osydan tórt jyl buryn baıqaýdyń úshinshi ornyna taban tiregen bolatyn.
Ekinshi oryndy 22 jastaǵy óskemendik Semen Koshelev jeńip aldy. Hokkeıshi «Avangardtyń» quramynda QHL pleı-off kezeńinde ózin barynsha kórsete bilgen, sondaı-aq, Reseıdiń olımpıada quramasyna shaqyrtý alǵan.
Úshinshi orynǵa «Barystyń» jáne ulttyq quramanyń 32 jastaǵy shabýylshysy Roman Starchenko jaıǵasty. Ol 2013 jáne 2015 jyldary Qazaqstannyń úzdik hokkeıshisi atanǵan.
