Qazaqstannyń úzdik dárigerleri marapattaldy

QR Densaýlyq saqtaý mınıstrligi ótkizgen baıqaý aıasynda «Úzdik dáriger», «Úzdik aýyl dárigeri», «Úzdik meıirbıke», «Úzdik feldsher» atalymdary boıynsha respýblıkalyq baıqaýdyń jeńimpazdary anyqtaldy.  Qazaqstannyń «Úzdik dárigeri» bolyp Almatydaǵy №5 qalalyq klınıkalyq aýrýhanasy balalar jaq jáne bet hırýrgııasy bóliminiń meńgerýshisi Serik Nurmaǵanov atandy.

«Men barlyq dárigerlerdi medıtsına qyzmetkerleri kúnimen quttyqtaımyn. Men balalar jaq jáne bet-álpeti hırýrgi bolyp qyzmet isteımin. Bizderge eń qymbaty - elimizdiń jasóspirimderi men balalaryna, ıaǵnı elimizdiń bolashaǵyna qamqor bolý. Balalar hırýrgi eń qıyn mamandyq bolyp esepteledi. Alaıda biz aıanbaı qyzmet etip kelemiz jáne qyzmet ete bermekpiz», - deıdi respýblıkanyń «Úzdik dárigeri».

Serik Nurmaǵanov respýblıkada ǵana emes, búkil Eýrazııa keńistiginde biregeı operatsııalar jasaıdy. Eýropada eń úzdik balalar hırýrgtardyń biri bolyp tabylady. Atalmysh klınıkada 28 jyl qyzmet isteıdi. Qazaqstandyq dáriger.

Saltanatty shara barysynda eldiń ár aımaqtarynan kelgen eń úzdik dárigerler, medıtsınalyq qyzmetkerler men densaýlyq saqtaý salasyna úles qosqan qoǵamdyq qaıratkerleri «QR Densaýlyq saqtaý salasynyń isiniń úzdigi» jáne «Densaýlyq saqtaý isine qosqan úlesi úshin»  tósbelgilerimen marapattalyp, qurmetti gramotalarmen, QR Úkimetiniń, QR Densaýlyq saqtaý mınıstrligi men qala ákimdiginiń alǵys hattarymen marapattaldy.

Mereıtoılyq kesh sońy Qazaqstan estrada juldyzdarynyń kontsertimen aıaqtaldy.