Qazaqstannyń úzdik býhgalteri mıllıoner atanbaq
ASTANA. QazAqparat - QR Qarjy mınıstrliginiń «Qarjy akademııasy» AQ «Qazaqstan 1S»-tiń qoldaýymen «Býhgalter» kásibi boıynsha úzdik» respýblıkalyq baıqaýyn uıymdastyryp jatyr, dep habarlandy mınıstrliktiń saıtynan.
Baıqaý aǵymdaǵy jyldyń 5 qarashasynan 12 qarashasyna deıin ótetini atalyp ótildi. Birinshi oryn ıegeri 1 mln. teńgeni, ekinshi oryn ıesi 500 myń jáne úzdik úshtikti tuıyqtaǵan adam 300 myń teńgeni oljalaıdy.
Jeńimpaz QR Qarjy mınıstrligi janyndaǵy býhgalterlik esep jáne aýdıt máseleleri boıynsha keńes berý organynyń múshesi bolady. Fınalǵa shyqqandarǵa QR Qarjy mınıstrliginiń alǵys hattary men biliktilikti arttyrý kýrstaryna arnalǵan sertıfıkattar usynylady.
Marapattaý rásimi 13 qarashada QR Qarjy mınıstrliginiń ǵımaratynda ótedi.
