Qazaqstannyń úzdik býhgalteri men aýdıtoryna baıqaý jarııalandy

ASTANA. QazAqparat - Qazaqstanda úzdik býhgalterdi anyqtaı úshin baıqaý ótkiziledi, dep habarlaıdy QazAqparat QR Qarjy mınıstrliginiń baspasóz qyzmetine silteme jasap.

Mınıstrlik mamandyqtyń bedelin qoldaý maqsatynda, sondaı-aq Qazaqstandaǵy býhgalterlik esep jáne aýdıt salasyndaǵy mamandardyń sheberligin jetildirý úshin «Úzdik býhgalter» jáne «Úzdik aýdıtor» baǵyttary boıynsha «Mamandyǵy boıynsha úzdik» respýblıkalyq konkýrs ótkizedi.

Atalmysh sharaǵa «Pricewaterhouse Coopers» JShS aýdıtorlyq uıymynyń, «Narhoz» Ýnıversıteti» AQ-nyń, «QMEBI» ýnıversıtetiniń jáne «The Boss media group» JShS qatystyrylady.

Respýblıkalyq konkýrsty jyl saıyn ótkizý josparlanyp otyr.

Konkýrsqa Qazaqstanda turatyn barlyq kámeletke tolǵan azamattar qatysa alady. Baıqaýdyń erejesi osynda jáne uchet.kz portalynda jarııalanǵan.

Júldeler men sertıfıkattardy berý 2018 jylǵy 12 jeltoqsanda Astana qalasynda «Esepke alý, aýdıt jáne olardy retteýdegi sońǵy ózgerister» taqyrybyndaǵy konferentsııada saltanattty marapattaý rásiminde ótkiziledi.