Qazaqstannyń úzdik aýyr atletteri ózara kúsh synasady
QYZYLORDA. QazAqparat- Qyzylordada 1-5 naýryz aralyǵynda aýyr atletıkadan erler men áıelder arasynda Qazaqstan Respýblıkasynyń kýbogy men chempıonaty ótedi, dep habarlady QazAqparat HAA tilshisi oblystyq Dene shynyqtyrý jáne sport basqarmasyna silteme jasap.
Oǵan Astana, Almaty qalalary men oblystardan 16 komanda 200-den asa sportshy 16 salmaq dárejesinde júldelerdi sarapqa salady.
Atalmysh jarys 10-15 sáýirde Ashhabadta (Túrkimenstan) ótetin Azııa chempıonatyna sportshylardy irikteý syny bolyp tabylady.
Sondaı-aq, 105 keli salmaqta jeńimpaz atanǵan sportshyǵa Ilıa Ilınniń kýbogy men sertıfıkaty beriledi.
Jarystyń bastalýy 1 naýryz saǵ. 11.00-de, saltanatty ashylýy 14.30-da «Evrazııa» sport kesheninde ótedi.
