Qazaqstannyń «Úzdik aýyl ákimi» anyqtaldy
Konkýrstyń alǵashqy kezeńinde óńirlik komıssııalar sheshimimen 14 aýyl ákimi respýblıkalyq kezeńge iriktelip alynǵan edi.
Іrikteý kezinde jergilikti turǵyndardyń onlaın daýys berýi, ákimderdiń esseleri men jobalyq jumystary, aýyldyń áleýmettik-ekonomıkalyq kórsetkishteri, ákimderdiń ádep normalaryn saqtaýy, karantın kezinde atqarylǵan sharalar jáne memlekettik qyzmet kórsetý sapasy boıynsha baǵalandy.
«2019 jyly el Prezıdenti Qasym-Jomart Toqaev óziniń alǵashqy Joldaýynda «Qýatty óńir – qýatty el» dep, óńirlerdegi jergilikti bılik jumysyn tıimdiligin baǵalaý júıesin engizý kerek dep aıtqan bolatyn. Osyǵan oraı, Memlekettik qyzmet isteri agenttigine «Úzdik aýyl ákimi» respýblıkalyq baıqaýyn uıymdastyrý jáne ótkizý júktelgen edi. Bıyl da Memleket basshysy Qasym-Jomart Toqaev «Jańa jaǵdaıdaǵy Qazaqstan – is-qımyl kezeńi» atty Joldaýynda da aýyldyq okrýg ákimderin tikeleı saılaýǵa bolatynyn atap kórsetti. Aldaǵy ýaqytta táýelsiz Qazaqstan jaǵdaıynda buǵan deıin bolmaǵan tájirıbe – aýyl ákimderin tikeleı saılaýǵa qoǵam tarapynan da qyzyǵýshylyq artyp otyr», - dedi Memlekettik qyzmet isteri agenttigi Tóraǵasynyń orynbasary Darhan Jazyqbaev agenttikte ótken respýblıkalyq komıssııa otyrysynda.
Konkýrs óńirlik jáne respýblıkalyq irikteý kezeńderine bólingen jáne ár kezeń boıynsha óńirlik, tıisinshe respýblıkalyq kommıssııa quryldy.
«Respýblıkalyq konkýrs komıssııasy quramynda «Aýyl» partııasynyń tóraǵasy, QR Parlamenti Senatynyń depýtaty Álı Bektaev, QR Parlamenti Májilisiniń depýtaty Ersultan Bekturǵanov, Memlekettik qyzmet salasyndaǵy óńirlik habtyń basqarýshy komıtetiniń tóraǵasy Álıhan Báımenov, Memlekettik bank mekemeleri jáne qoǵamdyq qyzmet kórsetý qyzmetkerleriniń salalyq kásipodaǵy qoǵamdyq birlestiginiń tóraǵasy Mırbolat Jaqypov, QR Aqparat jáne qoǵamdyq damý vıtse-mınıstri Bolat Tilepov, QR Prezıdenti Ákimshiligi ishki saıasat bóliminiń sektor meńgerýshisi Abzal Muhımov, «Habar agenttigi» AQ basqarma tóraǵasynyń birinshi oynbasary Rınat Kertaev bar», - dedi D. Jazyqbaev.
Baıqaýdyń respýblıkalyq kezeńinde ákimder komıssııa otyrysyna onlaın baılanysyp, aýyldyq eldimekenniń áleýmettik-ekonomıkalyq máselesin sheshý boıynsha derbes jobalyq jumystaryn tanystyrdy.
Nátıjesinde júldeli birinshi oryndy Almaty oblysy Іle aýdanynyń Boraldaı kenti ákimi Danııar Tóleýhanuly Qońyrbaev jeńip aldy.
Ekinshi oryndy Aqtóbe oblysy Muǵaljar aýdany Taldysaı aýyldyq okrýginiń ákimi Qazbek Tóleýhanuly Aqqaıyr jáne Aqmola oblysy Tselınograd aýdany Mánshúk aýyldyq okrýginiń ákimi Ǵanı Qýantaıuly Isaev ıelendi.
Úshinshi oryn – Pavlodar oblysy Aqtoǵaı aýdany Jalaýlyq aýyldyq okriginiń ákimi Azamat Jaqsylyquly Medetovqa jáne ShQO Jarma aýdany Shalabaı aýyldyq okrýginiń ákimi Janar Esembaevaǵa berildi.
Sonymen birge, «Іsker-sharýashyl ákim» nomınatsııasyna Atyraý oblysy Isataı aýdany Tuşyqudyq aýyldyq okrýginiń ákimi Mádı Raqymuly Óteǵalıev laıyq dep tanyldy.
«Úzdik áleýmettik-ekonomıkalyq joba» atalymynda Jambyl oblysy T. Rysqulov aýdany Abaı aýyldyq okrýginiń ákimi Muratbek Dákenuly Arystanbekov, «Halyqqa ashyq ákim» atalymynda – Qaraǵandy oblysy Buqar jyraý aýdany Tsentralnyı aýyldyq okrýginiń ákimi Samat Baıymbetuly Meıirmanov marapattaldy.
