Qazaqstannyń úzdik áleýmettik qyzmetkerleri marapattaldy
NUR-SULTAN. QazAqparat - Elordadaǵy Táýelsizdik saraıynda «Áleýmettik qorǵaý júıesindegi úzdik jumysshy» respýblıkalyq baıqaýynyń jeńimpazdaryn marapattaý rásimi ótti, olardyń jeńimpazdary elimizdiń ár óńirinen kelgen 9 adam boldy, dep habarlaıdy QazAqparat QR Eńbek jáne halyqty áleýmettik qorǵaý mınıstrliginiń baspasóz qyzmetine silteme jasap.
Konkýrsty Qazaqstan Respýblıkasy Eńbek jáne halyqty áleýmettik qorǵaý mınıstrligi (budan ári - QR Eńbekmıni) jergilikti atqarýshy organdarmen birlesip, áleýmettik qorǵaý júıesindegi mamandardyń bedelin arttyrý jáne osy saladaǵy ozyq tájirıbeni taratý maqsatynda uıymdastyrdy.
9 nomınatsııa boıynsha ótken baıqaýǵa qatysý úshin barlyǵy 76 ótinim kelip tústi. Nomınatsııalar boıynsha jeńimpazdardy respýblıkalyq konkýrstyq komıssııa anyqtady. Sonymen qatar, 3 nomınant QR Eńbekmıniniń saıtynda ótken onlaın-daýys berý nátıjeleri boıynsha anyqtaldy.
Osylaısha, Mańǵystaý oblysynan Tólebıke Elýbaeva 2019 jyldyń úzdik áleýmettik qyzmetkeri bolsa, Shyǵys Qazaqstan oblysynan kelgen Álııa Mıhaılova zeınetaqy júıesiniń úzdik qyzmetkeri atandy.
«Jumyspen qamtý ortalyǵynyń úzdik qyzmetkeri» nomınatsııasynda Aqtóbe oblysynan Venera Ýrýmbaeva jeńimpaz boldy. Soltústik Qazaqstan oblysynan Anar Ábdirahmanova áleýmettik saqtandyrý júıesiniń úzdik qyzmetkeri dep tanyldy.
«Úzdik medıtsınalyq-áleýmettik mekeme» nomınatsııasynda Almaty qalasynyń №2 arnaıy áleýmettik qyzmetterdi kórsetý ortalyǵy jeńimpaz atandy. «Úzdik áleýmettik úkimettik emes uıym» nomınatsııasynda Qyzylorda oblysynyń múgedek balalarǵa arnalǵan «Shapaǵat» ońaltý ortalyǵy marapattaldy. «Medıtsınalyq-áleýmettik saraptamanyń úzdik qyzmetkeri» nomınatsııasynda Pavlodar oblysynan Janar Moljanova jeńimpaz atandy. Nur-Sultan qalasynan Qalıhan Quqanbekov áleýmettik salanyń úzdik menedjeri-uıymdastyrýshysy boldy. Úzdik memlekettik eńbek ınspektory retinde Batys Qazaqstan oblysynan kelgen Serik Temirǵalıev tanyldy.
Onlaın daýys berý nátıjeleri boıynsha kelesi jeńimpazdar anyqtaldy: 1 oryn (5338 daýys) Qyzylorda qalasynyń № 1 arnaıy áleýmettik qyzmet kórsetý ortalyǵyna, 2 oryn (4272 daýys) Almaty qalasynyń №2 Arnaıy áleýmettik qyzmet kórsetý ortalyǵyna buıyrdy, úshinshi oryndy (2369 daýys) dbuıyrdy. Nur-Sultan ákimdiginiń «Úmit» daǵdarys ortalyǵynyń dırektory Qalıhan Quqanbekov enshiledi.
Baıqaý jeńimpazdary dıplomdarmen, stellalarmen jáne aqshalaı sertıfıkattarmen marapattaldy.
Sonymen qatar, saltanatty rásim barysynda áleýmettik qorǵaý júıesiniń qyzmetkerlerine «Áleýmettik eńbek salasynyń úzdigi» tósbelgisi tabystaldy. Olardyń arasynda – QR Eńbek jáne halyqty áleýmettik qorǵaý mınıstrligi Eńbek, áleýmettik qorǵaý jáne kóshi-qon komıtetiniń Pavlodar oblysy boıynsha departamentiniń №1 medıtsınalyq-áleýmettik saraptama bóliminiń bastyǵy Olga Kýznetsova, Qostanaı qalasyndaǵy áleýmettik qyzmetterdi kórsetý ortalyǵynda múgedekterge jáne 18 jastan asqan múgedekterge kútim jasaý jónindegi áleýmettik qyzmetker Svetlana Pereýznık; Respýblıkalyq protezdik-ortopedııalyq ortalyqtyń protezdik-ortopedııalyq ónimderiniń pozıtory Murathan Qasymhanova, sonymen qatar jumyspen qamtýdy úılestirý jáne áleýmettik qyzmetterdi basqarý bóliminiń ákimshilik-quqyqtyq bóliminiń jetekshi mamany Kúlsara Qarsymbaeva.
Sala ardagerlerine «Arbek Ardageri» medali tabys etildi. Bul - Qazaqstan Respýblıkasy Eńbek jáne halyqty áleýmettik qorǵaý mınıstrligi Eńbek, áleýmettik qorǵaý jáne kóshi-qon komıteti Aqmola oblysy boıynsha departamentiniń áleýmettik máseleler jónindegi orynbasary retinde qyzmet atqarǵan Yrysty Zakırıanova, Batys Qazaqstan oblysynyń «Kýshým» arnaıy áleýmettik qyzmetter ortalyǵy palatalarynyń meıirgeri Olga Menıaılova, Jambyl oblysy Shý aýdany ákimdiginiń jumyspen qamtý jáne áleýmettik baǵdarlamalar bóliminiń bas mamany Saǵatgúl Shońaraeva.
