Qazaqstannyń «Úzdik akteri» anyqtaldy
ASTANA. QazAqparat - Akter Dáýren Serǵazın «Úzdik akter» nomınatsııasy boıynsha «Saxnager-2018» ulttyq syılyǵynyń ıegeri atandy, dep habarlaıdy QazAqparat Astana qalasy Mádenıet jáne sport basqarmasynyń baspasóz qyzmetine silteme jasap.
Qazaqstan teatrlar qaýymdastyǵynyń uıymdastyrýymen ótken, Jastar teatrynyń negizin qalaýshylardyń biri, kıno akteri Dáýren Serǵazın «Úzdik akter» nomınatsııasy boıynsha «Saxnager-2018» ulttyq syılyǵynyń ıegeri atandy.
Ol teatr sahnasynda Hlestakov, Lıýchentsıo, Qoja, Ámir, Artýr syndy kóptegen rólderimen qalyń kórermenniń júreginen oryn alyp júrgen akter. Al kıno áleminde «Aldar kóse», «Shámshi aǵa» beınelerimen kópshilik qaýymǵa keń tanylǵan.
Sondaı-aq, jas ári talantty aktrısa «Tilep-Saryqyz» qoıylymynda Saryqyzdyń súıkimdi beınesimen, «Motsart» mıýzklinde Aloızııanyń ádemi yrǵaqty daýysymen kórermenniń kóz aıymy bolyp júrgen Nazerke Serikbolova Sahnagerdiń arnaıy «Úmit» syılyǵymen marapattaldy.
27 naýryz - Halyqaralyq Teatr kúni merekesine oraı
