Qazaqstannyń úshinshi bitimgershilik rotasy mıssııasyn oryndaýǵa Lıvanǵa keldi
Bólimshede 120 áskerı qyzmetshi jáne Qazaqstannyń óńirlik qolbasshylyqtary men Desanttyq-shabýyldaý áskerleriniń 120 áskerı qyzmetshisinen quralǵan bólimsheni Úndi batalonynyń komandıri Naraıan Batı qarsy aldy. Ol áskerı qyzmetshilerge quttyqtaı kele, «birinshi jáne ekinshi bitimgerlik rota óz qyzmetterin jaqsy oryndady. Sizderdiń Úndistanda arnaıy kýrstan ótkenderińizdi bilemin. Sizder sııaqty úzdikterdi qarsy alý, men úshin úlken qurmet. Qazaqstandyq áskerı qyzmetshiler Úndi batalonynyń quramynda tapsyrma oryndaǵannan bastap, biz «ÚndBat» emes, ««ÚndQazBat» dep atala bastadyq. Sizderdi quttyqtaımyn jáne qyzmetterińizge sáttilik tileımin», - dep atap ótti.
Qazaqstandyq bitimgershilik rotasy Úndi batalonymen birlesip belgili bir mindetter sheńberin oryndaıdy. Olardyń negizgisi, «kók syzyq» dep atalyp ketken, 16 shaqyrymdy quraıtyn lıvan-ızraıl shekarasyn patrýldeý. Bitimgerler kúndelikti jaǵdaıdy naqtylap, blokpostarda qyzmet atqarady, áskerı bazalardyń kúzetilýi men kúsheıýi úshin jaýap berip, avtonomdy patrýlderge shyǵady. Bitimgershilik kontıngentiniń mindetteriniń biri: basqa elderdiń bitimgershilik kontıngentiniń ókilderimen, sondaı-aq jergilikti halyqpen dostyq qarym-qatynasty ornatý. Úshinshi bitimgerlik rota Lıvanda 2020 jyldyń mamyryna deıin bolady.
Atalmysh quramǵa kirý úshin, áskerı qyzmetshiler psıhologııalyq testileý men medıtsınalyq tekserýden ótip, aǵylshyn tilinen test tapsyrady. Іrikteýden keıin halyqaralyq standarttarǵa sáıkes ázirlengen oqytý baǵdarlamalary boıynsha, teorııalyq jáne tájirıbelik daıyndyqtan ótedi. Bitimgerlerdi 6 jáne 3 aı kóleminde «Beıbitshilik jolyndaǵy seriktestik» (KAZTsENT) oqý-jattyǵý ortalyǵynyń nusqaýshylary, mınasyzdandyrý ortalyǵynyń mamandary, bitimgershilik daıarlyq boıynsha nusqaýshylar úıretedi. Qazaqstan BUU-nyń Lıvandaǵy mıssııasyna Úndi batalony quramynda qatysatyndyqtan, Qazaqstan men Úndistannyń ekijaqty yntymaqtastyq baǵdarlamasyna sáıkes birlesken saparlar kózdelgen. Qazaqstandyq áskerı qyzmetshiler Nıý-Delıge bitimgershilik daıarlyq kýrsy aıasynda barady. Sońǵy kezeńde Qazaqstanǵa Úndistannan mobıldi jattyǵý toby keledi. Mamandar eki aptalyq sabaq kýrsyn ótkizedi. Budan keıin úndi baǵalaý toby qazaqstandyq áskerı qyzmetshilerdiń daıyndyǵyn saralaıdy. Jóneltilý aldynda álemdik densaýlyq saqtaý uıymy habarlaǵandaı, bitimgerler mindetti túrde vaktsınatsııalaýdan ótedi.
Aıta ketken jón, 2018 jyldyń qazanynan bastap 2019 jyldyń mamyr aıyna deıin Lıvandaǵy BUU mıssııasyna 120 áskerı qyzmetshiden quralǵan alǵashqy bitimgershilik rota qatysty. Aǵymdaǵy jyldyń mamyr aıynda onyń ornyna alty aı merzimge ekinshi bitimgershilik rota jiberildi. 120 áskerı qyzmetshiden quralǵan bólimshe osy jyldyń mamyr aıynan qarasha aıyna deıin mıssııada boldy.
Qazaqstandyq bitimgerler «Úndi batalony quramynda qazaqstandyq bitimgershilik kontıngentin óristetý tártibi týraly» Qazaqstan men Úndistan Úkimeti arasyndaǵy ózara túsinistik týraly kelisim negizinde úndistandyq batalon (ÚNDBAT) quramyndaǵy BUU-nyń Lıvandaǵy mıssııasyna qatysady.
«Lıvandaǵy BUU ýaqytsha kúshteri» mıssııasynyń jáne úndi batalonynyń qolbasshylyǵy Qazaqstan Qarýly Kúshteri áskerı qyzmetshileriniń mashyqtaryn jáne kásibılikterin joǵary baǵalaıdy.
Anyqtama:
«Lıvandaǵy BUU ýaqytsha kúshteri» (VSOONL nemese UNIFIL) – bul BUU Qaýipsizdik keńesiniń 1978 jylǵy 19 naýryzdaǵy № 425 qararyna sáıkes Ońtústik Lıvanda, Izraılmen shekarada ornalastyrylǵan jáne árbir jarty jyl saıyn ýaqytsha mandatpen uzartylatyn Birikken Ulttar Uıymynyń bitimgershilik kúshteri.
«Beıbitshilik jolyndaǵy seriktestik» Oqý ortalyǵy (QAZORT) bitimgershilik jáne tildik daıyndyq boıynsha kýrstar ótkizedi.
Qazortalyq 2008 jyly Qazaqstan Respýblıkasy Qorǵanys mınıstrliginiń Shet tilder Áskerı ınstıtýty bazasynda quryldy. Ol 2010 jyldyń jeltoqsanynda oqytý jáne áriptestikti daıyndaý ortalyqtary qaýymdastyǵynyń 19 múshesi bolyp tanyldy.
