Qazaqstannyń úsh óńirinde kún buzylady
NUR-SULTAN. QazAqparat - Aýa raıynyń buzylýyna baılanysty Qazaqstannyń birqatar óńirinde eskertý jarııalandy, dep habarlaıdy QazAqparat «Qazgıdromet» RMK baspasóz qyzmetine silteme jasap.
15 qańtarda Qostanaı oblysynyń keı jerlerinde burqasyn bolady, tuman túsip, soltústik-batystan jel soǵady, jel jyldamdyǵy 15-20 m/s jetedi.
15 qańtarda Aqmola oblysynda qar jaýady. Keı jerlerde boran soǵyp, kóktaıǵaq kútiledi. Ońtústik-batystan soqqan jel soltústik-batysqa aýysady, keı jerlerde jel qarqyny - 15-20 m/s.
15 qańtarda Soltústik Qazaqstan oblysynyń keı jerlerinde burqasyn kóteriledi, tuman túsedi. Ońtústik-batystan jáne batystan soqqan jeldiń jyldamdyǵy 15-20 m/s deıin kúsheıedi.
Osy kúni Petropavl qalasynda burqasyn kóteriledi. Ońtústik-batystan jáne batystan jel soǵady, kúndiz jel ekpini - 15-20 m/s.
