Qazaqstannyń úsh óńirinde kólik qozǵalysyna shekteý qoıyldy
ASTANA. QazAqparat - Qazaqstannyń óńirlerinde aýa raıynyń qolaısyzdyǵyna baılanysty birqatar kúre joldaryndaǵy jol qozǵalysyna shekteý qoıyldy, dep habarlanady QR ІІM TJ boıynsha komıtetiniń saıtynan.
30 naýryzda Qaraǵandy oblysynda kún raıynyń buzylýyna (burqasyn, kóktaıǵaq) baılanysty Qaraǵandy qalasynan kóliktiń barlyq túrleri úshin barlyq baǵyttar boıynsha qozǵalys jabyldy.
30 naýryz kúni Pavlodar oblysynda aýa raıy jaǵdaıynyń qolaısyzdyǵyna (joldyń nashar kórinýi) baılanysty «Qyzylorda-Pavlodar» kúre jolynyń ýchaskesi (1135-1205 shaqyrymdar) jáne «Ýlıanovskıı-Qalqaman» tas jolynyń ýchaskesinde (138-231 shaqyrymdar) kóliktiń barlyq túrleri úshin qozǵalys jabyldy.
Jambyl oblysynda 30 naýryz kúni kún raıynyń nasharlaýy (qar, kóktaıǵaq, joldyń nashar kórinýi) sebebimen «Almaty-Ekaterınbor» kúre jolynyń ýchaskesi (343-490 shaqyrymdar) men «Almaty-Tashkent» tas jolynyń ýchaskesi (160-213 shaqyrymdar) kóliktiń barlyq túrleri úshin qozǵalys jabyldy.
