Qazaqstannyń úsh óńirinde aýa raıynyń qolaısyzdyǵy saldarynan jol jabyldy
ASTANA. QazAqparat - Qazaqstannyń úsh óńirinde aýa raıynyń qolaısyzdyǵy saldarynan jol jabyldy, dep habarlady «Qazaqavtojol».
Sonymen, Aqtóbe oblysynda 4 qańtarda boran saldarynan saǵat 17:45-ten bastap «Qandyaaǵash-Embi-Shalqar-Yrǵyz» (92-257 shaqyrym, Embi qalasy - Shalqar qalasy ýchaskesi, 92-257 shaqyrym) avtojoly ýchaskesinde kóliktiń barlyq túrleri úshin jol qozǵalysy shekteldi.
Qyzylorda oblysynda 3 qańtardan bastap saǵat 21:35-te aýa raıynyń nasharlaýyna baılanysty «Qyzylorda-Pavlodar» (12-216 shaqyrym, Qyzylorda qaolasy-Qaraǵandy oblysy ýchaskesi, 12-216 shaqyrym) joly jabyq kúıinde qalady. Shekteý kóliktiń barlyq túrine engizildi.
Qaraǵandy oblysynda jaýyn jaýyp, joldy balshyq basqandyqtan «Qyzylorda-Pavlodar» (216-424 shaqyrym, Qyzylorda oblysy - Jezqazǵan qalasy shekarasy) jol ýchaskesinde kóliktiń barlyq túri úshin jol jabyldy.
