Qazaqstannyń úsh oblysynda joldar jabyq
ASTANA. QazAqparat - Qaraǵandy, Qyzylorda jáne Aqtóbe oblystaryndaǵy respýblıkalyq mańyzy bar joldarda kólik qozǵalysy úshin joldar jabyq, dep habarlaıdy «Qazaqavtojol» RMK-nyń baspasóz qyzmetinen.
Qaraǵandy oblysynda aýa raıy jaǵdaıynyń nasharlaýyna (jańbyrdan keıin kúre joldyń 250-255 shaqyrymǵa sozylǵan qozǵalys bóliginde sazdy-balshyqqa aınalyp, taıǵaq bolýy) baılanysty «Qyzylorda-Pavlodar» kúre jolynyń 216-410 shaqyrymdarynda, Qyzylorda oblysynyń shekarasynan bastap Talap aýylyna deıingi ýchaskede kóliktiń barlyq túrleriniń qozǵalysyna shekteý engizildi.
Qyzylorda oblysynda kún raıy jaǵdaıynyń nasharlaýyna baılanysty «Qyzylorda-Pavlodar» kúre jolynyń 12-216 shaqyrymdarynda, Qyzylorda qalasynan bastap Qaraǵandy oblysynyń shekarasyna deıingi ýchaskede kóliktiń barlyq túrleriniń qozǵalysyna shekteý engizildi.
Sondaı-aq,Aqtóbe oblysyndaǵy «Qandyaǵash-Embi-Shalqar-Yrǵyz» kúre jolynyń 200-220 shaqyrymdarynda 2016 jylǵy 21 naýryz kúni erigen qar sýynyń joldy shaıyp ketýine baılanysty Móńke bı aýylynan bastap Qaıdaýyl kentine deıingi ýchaskede kóliktiń barlyq túrleriniń qozǵalysyna engizilgen shekteý saqtalyp otyr.
