Qazaqstannyń úsh oblysynda joldar jabyq tur
ASTANA. QazAqparat - Aýa raıynyń qolaısyzdyǵyna baılanysty Qazaqstannyń úsh oblysynda joldar jabyldy, dep habarlady QazAqparat QR ІІM Tótenshe jaǵdaılar komıtetiniń aqparatyna silteme jasap.
Almaty oblysynda qatty jel, burqasyn men kórý múmkindiginiń nasharlaýy saldarynan Saryózek - Kóktal (40-80 shaqyrym aralyǵy, Qoǵaly kenti - Basshy aýyly) trassasy barlyq kólikter úshin jabyldy. Sondaı-aq, Úsharal-Dostyq (83-184 shaqyrym aralyǵy) avtojoly bóliginde barlyq kólik túrlerine qozǵalys shekteldi.
Sondaı-aq Shyǵys Qazaqstan oblysynda kóliktiń barlyq túrleri úshin Almaty-Óskemen (973-1073 shaqyrym aralyǵy, Óskemen - Qalbataý aýyly) jáne Kúrshim-Qaljyr kúre joldary (65-131 shaqyrym aralyǵy) jabyldy.
Budan bólek, Soltústik Qazaqstan oblysynda Saýmalkól- Novoıshımskoe avtojolynyń bóliginde (0-91 shaqyrym) barlyq avtokólik úshin qozǵalysqa tyıym salyndy.
