Qazaqstannyń úsh oblysynda jol bólikteri jabyldy
NUR-SULTAN. QazAqparat – Qazaqstannyń úsh oblysynda avtokólik joldary jabyldy, dep habarlaıdy QazAqparat «QazAvtoJol» kompanııasyna silteme jasap.
Aýa raıynyń qolaısyzdyǵyna baılanysty Jambyl oblysynda Almaty – Tashkent - Termez avtojolynyń Kenen – Qaınar aýyldary arasyndaǵy 158-238 shaqyrymdary jabyldy.
Qaraǵandy oblysynda Ekaterınbýrg - Almaty jolynyń Qaraǵandy – Balqash bóligi – 1505-1858 shaqyrymdary jabyldy.
Sonymen birge, Túrkistan oblysynda Almaty – Tashkent – Termez avtojolynyń Jambyl jáne Túrkistan oblystarynyń shekarasynda 546-593 shaqyrymda kólik qozǵalysy ýaqytsha toqtatyldy.
Buǵan deıin «Almaty-Tashkent-Termez» avtojoly jabylǵany habarlanǵan edi.
