Qazaqstannyń úsh oblysynda kún raıy buzylady
NUR-SULTAN. QazAqparat - Qazaqstannyń birneshe oblysynda aýa raıyna baılanysty eskertý jarııalandy, dep habarlaıdy QazAqparat Qazgıdrometke silteme jasap.
Sınoptıkterdiń boljaýynsha, 31 mamyr kúni Mańǵystaý oblysynyń keı jerlerinde kúndiz naızaǵaı jarqyldap, burshaq jaýady. Daýyl soǵý qaýpi - 90-95%.
31 mamyr kúni Qostanaı oblysynda kúndiz keı jerlerde naızaǵaı oınap, soltústik-batystan 15-20 m/s jyldamdyqpen jel soǵady. Daýyl qaýpi - 90-95%.
31 mamyr kúni Soltústik Qazaqstan oblysynda jel batystan, ońtústik-batystan soǵady, túnde onyń jyldamdyǵy sekýndyna 15-20 metrge, ekpini keıde 25 m/s-qa jetedi. Al 1 maýsym kúni soltústik-batystan, soltústikten 15-20 m/s jyldamdyqpen jel soǵady.
