Qazaqstannyń úsh oblysynda kólik qozǵalysy shekteldi
NUR-SULTAN. QazAqparat – Elimizdiń úsh oblysynda aýa raıynyń qolaısyzdyǵyna baılanysty kólik qozǵalysy shekteldi, dep habarlaıdy QazAqparat QR IIDM baspasóz qyzmetine silteme jasap.
Shyǵys Qazaqstan oblysynda 24.02.2021 kúni 18.30-da aýa raıynyń nasharlaýyna baılanysty «Óskemen-Shemonaıha-RF shekarasy tasjolynyń 105-123 shaqyrymynda avtokóliktiń barlyq túri úshin qozǵalysqa shekteý engizildi.
Qyzylorda oblysynda 24.02.2021 kúni 18.30-dan bastap boran turyp, kóriný nasharlaǵandyqtan «Samara-Shymkent» avtojolynyń 1240-1357 shaqyrymynda avtokóliktiń barlyq túri úshin qozǵalys shekteldi.
Aqtóbe oblysynda aýa raıynyń nasharlaýyna baılanysty 24.02.2021 kúni saǵat 18.45-ten bastap «Samara-Shymkent» tasjolynyń 1153-1240 shaqyrymynda, Yrǵyz aýylyna burylatyn aýmaqta avtokóliktiń barlyq túri úshin qozǵalys shekteldi.
