Qazaqstannyń úsh oblysynda daýyldy eskertý jarııalandy
ASTANA. QazAqparat - Sınoptıkter Qazaqstannyń úsh oblysynda daýyldy aýa raıy bolatynyn málimdedi, dep habarlaıdy QazAqparat.
«Jambyl oblysynyń ońtústiginde jáne taýly aımaqtarynda tuman túsedi. Soltústik-shyǵystan soǵatyn jel oblystyń ońtústik-batysynda, soltústik-shyǵysynda, taýly aımaqtarynda 15-20 m/s, 26 jeltoqsanda túnde ekpini 25 m/s-qa deıin barady.
Taraz qalasynda bul kúni keı jerlerde tuman túsedi», - dep jazdy Qazgıdrometten.
Túnde Qyzylorda oblysynda shyǵystan jel soǵady, ońtústik-shyǵystan soǵatyn jeldiń kúshi oblys ortalyǵynda 15-20 m/s kútiledi. Túnde Qyzylorda qalasynda shyǵystan soǵatyn jeldiń ekpini 15 m/s bolady.
Ońtústikte, Túrkistan oblysynyń taý bókterinde tuman túsedi. Shyǵystan jel soǵady, oblystyń soltústiginde ońtústik-shyǵystan soǵady, taýly aımaqtarda ekpini - 15-20 m/s.
