Qazaqstannyń úsh oblysynda daýyl soǵady
ASTANA. QazAqparat - Qazaqstannyń úsh oblysynda aýa raıyna baılanysty eskertý jarııalandy, dep habarlaıdy QazAqparat Qazgıdrometke silteme jasap.
6 naýryz kúni Batys Qazaqstan oblysynyń keı jerlerine tuman túsip, jaıaý burqasyn, kóktaıǵaq bolady, jel ońtústik-batystan 15-20 m/s jyldamdyqpen soǵady. Oral qalasynda 6 naýryz kúni tuman túsip, jaıaý burqasyn, kóktaıǵaq bolady, jel ońtústik-batystan 17 m/s jyldamdyqpen soǵady.
Budan tys, Qyzylorda oblysynyń keı jerlerine 6-8 naýryz kúnderi tuman túsedi.
6-7 naýryz kúnderi Atyraý oblysynyń keı jerlerine tuman túsýi múmkin.
Aqtóbe oblysynyń keı jerlerine tuman túsýi yqtımal. Kúndiz oblystyń soltústiginde jaıaý burqasyn bolady, ońtústikten soqqan jeldiń ekpini sekýndyna 15 metrge deıin jetedi. Aqtóbede jel ońtústikten soǵady, kúndiz ekpini 15 m/s-qa jetýi múmkin, tuman túsedi.
6-9 naýryz kúnderi Almaty oblysynda, Almaty qalasyna jaqyn aýmaqtarda jáne Shyǵys Qazaqstan oblysynyń ońtústiginde kúnniń jylynýyna baılanysty qar erip, seń júrýi múmkin, ózenderdegi sý deńgeıi kóterilýi yqtımal.
