Qazaqstannyń úsh oblysynda aýa raıyna baılanysty eskertý jarııalandy
ASTANA. QazAqparat - Qostanaı, Batys Qazaqstan jáne Qyzylorda oblystarynda aýa raıyna baılanysty eskertý jarııalandy. Bul týraly «Qazgıdromet» RMK habarlaıdy.
28 jeltoqsanda Qostanaı oblysynyń keı jerlerinde burqasyn, tuman, kóktaıǵaq bolady, ońtústik-shyǵystan 15-20 m/s jyldamdyqpen jel soǵady.
28 jeltoqsan kúni Batys Qazaqstan oblysynyń basym bóliginde qar jaýýy yqtımal. Keı jerlerde tuman, kóktaıǵaq, burqasyn bolyp, áýeli ońtústik-shyǵystan soǵyp, keıin soltústik-batysqa aýysatyn jel ekpini 9-14 m/s deıin jetedi, keı jerlerde jeldiń kúshi 15-20 m/s deıin barady.
28-30 jeltoqsanda Qyzylorda oblysynyń keı jerlerinde ońtústik-shyǵystan 15-20 m/s jyldamdyqpen jel soǵyp, kóktaıǵaq bolady.
