Qazaqstannyń úsh oblysy men Almatyda sý tasýy múmkin
ASTANA. QazAqparat - Qazaqstannyń úsh oblysy men Almatyda sınoptıkter sý deńgeıiniń kóterilýi múmkin ekenin boljap otyr, dep habarlaıdy «QazAqparat» HAA tilshisi.
«Aldaǵy eki táýlikte, ıaǵnı 8-9 naýryzda aýa temperatýrasynyń kóterilýine, qardyń erip, jańbyrdyń jaýýyna baılanysty Ońtústik Qazaqstan, Jambyl, Almaty oblysy men Almaty qalasynyń alasa taýly aýmaǵynda sý tasýy múmkin», - delingen Qazgıdromettiń habarlamasynda.
Dál osy ýaqytta Qazaqstannyń ortalyǵy men soltústiginde kúsheıip kele jatqan borannyń saldarynan birneshe joldar jabyldy.
