Qazaqstannyń úsh qalasynda aýa sapasy nasharlaıdy
ASTANA. QazAqparat - Senbi, 29 jeltoqsan kúni Qazaqstan qalalarynyń basym bóliginde jaǵymdy meteorologııalyq jaǵdaı qalyptasady, dep habarlaıdy QazAqparat.
«Qazgıdromet» RMK-nyń aqparatyna sáıkes, aýa sapasynyń nasharlaýy Qaraǵandy, Temirtaý, Óskemen qalalarynda kútiledi.
Elimizdiń ózge qalalarynda jaǵymsyz meteojaǵdaılar kútilmeıdi.
Qolaısyz meteorologııalyq jaǵdaılar - atmosferalyq aýanyń betki qabatynda zııandy (lastaýshy) zattardyń shoǵyrlanýyna yqpal etetin qysqamerzimdi meteofaktorlardyń (tymyq aýa raıy, jeńil jel, tuman, ınversııa) jıyntyǵy. QMJ jaǵdaıynda eldi mekenderdegi atmosferalyq aýanyń sapasy nasharlaýy yqtımal.
