Qazaqstannyń úsh dúrkin chempıony kásipqoı bokstaǵy úshinshi aıqasyn ótkizedi
ASTANA. QazAqparat - Qazaqstannyń úsh dúrkin chempıony Jan Kosobýtskıı kásipqoı bokstaǵy úshinshi kezdesýin ótkizedi. Jekpe-jek 21 jeltoqsan kúni Máskeý qalasynda bolady, dep habarlaıdy QazAqparat.
Otandasymyzdyń qarsylasy ýkraınalyq Aleksnadr Nesterenko. Ol kásipqoı boksta 17 kezdesý ótkizip, toǵyzynda jeńiske jetse, segiz kezdesýde jeńilis tapqan. Jekpe-jek Máskeý qalasyndaǵy «Krylıa Sovetov» sport kesheninde uıymdastyrylady. Kezdesý segiz raýndqa josparlanyp otyr.
Aıta keteıik, Kosobýtskıı kásipqoı bokstaǵy sońǵy jekpe-jegin qarasha aıynda belarýs boksshysy Oleg Zablotskııge qarsy ótkizip, jeńiske jetken edi.
