Qazaqstannyń úsh aımaǵynyń ákimdikteri qajetti derekterdi tolyq jarııalamaıdy

NUR-SULTAN. QazAqparat – Elimizdiń úsh oblysynyń ákimdikteri qajetti derekterdi tolyq kólemde jarııalamaı otyr. Jergilikti atqarýshy organdar Úkimet bekitken derekter tizbesin «Elektrondyq úkimettiń» veb-portalynda ornalastyrýǵa mindetti, dep habarlaıdy QazAqparat Ranking saıtyna silteme jasap.

Osy jyldyń 19 sáýirindegi jaǵdaı boıynsha barlyq jergilikti atqarýshy organdar saıtta bekitilgen derekterdiń tolyq tizbesin jarııalady. Alaıda, Túrkistan oblysy bekitilgen ashyq derekterdiń - 88,7%-yn ǵana, Atyraý oblysy - 67,7% -yn, Mańǵystaý oblysy 62,9%-yn jarııalaǵan. Tıisinshe, atalǵan óńirlerdiń ákimdikteri derekterdi jarııalaýda «Aqparatqa qol jetkizý týraly» Zańnyń 9 jáne 17-baptarynda kózdelgen óz mindettemelerin oryndaǵan joq.

Bul rette jurtshylyqqa derekterdiń bolýy ǵana emes, ózektiligi de mańyzdy.

Jarııalanǵandardyń ishinen bekitilgen derekter tiziminde eń ózekti aqparatty elimizdiń 17 aımaǵynyń 10-y ǵana usynǵan.