Qazaqstannyń úsh aımaǵynda joldar jabyq
ASTANA. QazAqparat - Qazaqstannyń úsh aımaǵynda joldar jabyq, dep habarlady «Qazaqavtojol» RMK.
Soltústik Qazaqstan oblysynda 6 sáýirdegi saǵat 22:00-den bastap «Petropavl-Sokolovka-RF shekarasy» avtojolynyń 29-shy shaqyrymyn sý shaıyp ketken ýchaskesinde (11-41-shi shaqyrymdar, Petropavl-Sokolovka aýyly ýchaskesi) avtokóliktiń barlyq túrleri úshin jol jabyq.
6 sáýirdegi saǵat 09:00-den bastap «Jezqazǵan-Petropavl» joly ýchaskesi (705-786-shy shaqyrymdar, Novoıshımovka aýyly-Tımırıazevka aýylynyń burylysyna deıin) avtokóliktiń barlyq túrleri úshin jabyq.
6 sáýirdegi saǵat 21:00-den bastap Qostanaı oblysynda «Ekaterınbýrg-Almaty» avtojolynyń 781-shi shaqyrymyn sý basyp qalýy saldarynan (729-795-shi shaqyrymdar, Qostanaı oblysynyń shekarasy - Rýzaevka aýyly) avtokóliktiń barlyq túrleri úshin jol jabyq.
Aqtóbe oblysynda eńiste júretin joldy sý basyp qalǵandyqtan «Qandyaǵash-Embi-Shalqar-Yrǵyz» joly ýchaskesi (200-220-shy shaqyrymdar, Móńke bı aýyly-Qaıdaýyl kenti) avtokóliktiń barlyq túrleri úshin jabyq.
