Qazaqstannyń ulttyq júk floty «Atameken» qurǵaq júk kemesimen tolyqty

ASTANA. QazAqparat - Aǵymdaǵy jylda ulttyq flot árqaısysynyń dedveıti 7 myń tonna bolatyn «Jibek joly» jáne «Atameken» atty jańa eki qurǵaq júk kemelerimen tolyqty.

Bul týraly QazAqparat primeminister.kz saıtyn silteme jasap habarlaıdy.

Eske salsaq, «Jibek joly» qurǵaq júk kemesiniń Shlısselbýrg qalasy «Neva» keme jasaý jáne jóndeý zaýytynda 12 shildede sýǵa túsirilgennen keıin arqandap baılaý synaqtarynan sátti ótti jáne aǵymdaǵy jylǵy 27 qyrkúıekte Aqtaý tirkeý portyna keldi.

«Aǵymdaǵy jylǵy 6 qazanda «Atameken» qurǵaq júk kemesi sýǵa túsirildi, Aqtaý portyna kelýi aǵymdaǵy jylǵy qarashaǵa josparlanýda», - dep habarlaıdy QR IDM.

Mınıstrlik sońǵy kezde qurǵaq júkterdiń teńiz arqyly tasymalynyń aıtarlyqtaı jandanǵanyn eskere otyryp,
osy oqıǵanyń Qazaqstannyń tranzıttik-kóliktik áleýetin arttyrýdaǵy jáne ulttyq qurǵaq júk flotyn damytýdaǵy mańyzyn atap ótti.