Qazaqstannyń ulttyq velotrek quramasyn frantsııalyq bapker basqaratyn boldy
ASTANA. QazAqparat - Belgili frantsýz trekshisi Erve Dagorne (Herve Dagorne) 2015 jylǵy qańtardan bastap Qazaqstan ulttyq velotrek quramasynyń jáne «Astana Track Team» kásibı velokomandasynyń jańa bas bapker-konsýltanty boldy.
Sheteldik mamanmen kelisimshart bir jylǵa jasaldy, keıin uzartylýy da múmkin.
Qańtarda jańa basshy quramamen alǵashqy OJJ (oqý-jattyǵý jıynyn) ótkizip, komandamen birge Kalıge (Kolýmbııa) Álem kýbogynyń 3-shi kezeńine jarysqa ketti. 16 qańtarda bizdiń top komandalyq saıysqa túsedi. Komanda quramy: Artem Zaharov, Robert Gaıneev, Dıas Ómirzaqov jáne Nıkıta Panasenko.
Kolýmbııadan oralǵannan keıin Qazaqstan quramasy keńeıtilgen quramda Túrkııaǵa OJJ-ǵa, odan ári Taılandtaǵy Azııa chempıonatyna barady.
