Qazaqstannyń Ulttyq mýzeıinde 3D-kınozal ashylady
NUR-SULTAN. QazAqparat – QR Ulttyq mýzeıinde 3D-kınozal ashylady, dep habarlaıdy QazAqparat.
«30 tamyz kúni biz jańa 3D-kınozaldy ashamyz. Odan mýzeı qonaqtary elimizdiń qasıetti jerlerin tamashalaı alady. Bizdiń bazamyzda Qazaqstannyń 200 qasıetti orny bar. Mysal retinde aıtar bolsaq olar: Qoja Ahmet ıAsaýı kesenesi, Ulytaý, Tamǵaly tas jáne basqalar», dedi QR Ulttyq mýzeıi dırektorynyń orynbasary Almaz Nurazhan.
Ol sonymen qatar 3D-zalǵa vırtýaldy ekskýrsııa júrgizýshi men touch-panel ornatylatynyn aıtty. Ol jerden mýzeı eksponattaryn tsıfrlyq formatta kórýge bolady.
Osyǵan deıin Qazaqstanda 30 tamyzdan bastap «Mýzeıler sherýi» atty jalpyrespýblıkalyq aktsııa bastalatyndyǵy habarlandy.
