Qazaqstannyń Ulttyq muraǵaty QR Konstıtýtsııasynyń tarıhy týraly derekti kórme ashty

STANA. Tamyzdyń 12-si. QazAqparat - Qazaqstannyń Ulttyq muraǵaty Qazaqstannyń Negizgi zańy - QR Konstıtýtsııasynyń tarıhy týraly derekti kórme ótkizip jatyr.

Muraǵattyq qujattar men materıaldar negizinde uıymdastyrylǵan kórme Qazaqstan Konstıtýtsııasynyń qalaı daıyndalǵandyǵy jáne qabyldaný tarıhymen tanystyrady.

Bul jerge konstıtýtsııalyq quqyq, 1995 jyldan keıin basylyp shyǵarylǵan QR konstıtýtsııasyna engizilgen ózgertýler men tolyqtyrýlar týraly zańdar qoıylǵan.

Respýblıkanyń Memlekettik rámizderi men el ordasy - Astanaǵa arnalǵan qujattar kórmeni tolyqtyrady.

Toptamaǵa QR Prezıdentiniń muraǵaty men Qazaqstannyń Ulttyq muraǵat qorlarynan alynǵan 200-ge tarta qujattar men materıaldar engen.

Kórme aǵymdaǵy jylǵy qyrkúıektiń 30-yna deıin jalǵasatyn bolady. Uıymdastyrýshylar habarlaǵandaı, kórmege kirý - tegin.