«Qazaqstannyń ulttyq mádenıeti men memlekettik tilin damytýdaǵy saıası zertteýlerdiń máseleleri men keleshegi» atty respýblıkalyq ǵylymı-tájirıbelik konferentsııa ótkiziledi
ALMATY. Tamyzdyń 14-i. QazAqparat - Qazaqstan gýmanıtarlyq-saıası konıýnktýra ortalyǵy Abaı atyndaǵy Qazaq ulttyq pedagogıkalyq ýnıversıtetiniń qoldaýymen jazǵy saıasattanýshylar mektebiniń sheńberinde tamyzdyń 18-i kúni «Qazaqstannyń ulttyq mádenıeti men memlekettik tilin damytýdaǵy saıası zertteýlerdiń máseleleri men keleshegi» atty respýblıkalyq ǵylymı-tájirıbelik konferentsııa ótkizedi.
Elimiz táýelsizdik alǵannan keıin Qazaqstan memleketiniń aldynda jańa memleketti damytý men nyǵaıtý máseleleri týyndady. Tarıhqa kóz júgirtsek, mundaı máselelerdi sheshýdiń birden-bir joly saıası ulttyń qalyptasýy bolyp tabylady. Qazaqstan qoǵamynyń kópulttylyǵyn eskersek, bul másele bizdiń elimizdiń aldyna qoıylǵan strategııalyq mindet bolyp tabylady. Álemdik tájirıbe men ulttyq qurylym teorııasy kórsetkendeı, saıası ulttyń qalyptasýyndaǵy negizgi elementterge memlekettik til men ulttyq mádenıet jatady. Sonymen qatar álemdik tájirıbege súıensek, memlekettik qurylymdaǵy negizgi roldi saıası quraldar oınaıdy. Sondyqtan da Qazaqstandaǵy memlekettik til men ulttyq mádenıetti damytý kóbinese saıası faktorlarmen anyqtalady. Nátıjesinde bul faktorlardyń erekshelikteri men sıpatyn anyqtaý barysynda, saıası zertteýlerdiń mańyzy zor ekenin túsinemiz. Osy turǵyda Qazaqstanda ótkizilgen ulttyq mádenıet pen memlekettik tildi damytýǵa arnalǵan saıası zertteýlerdiń teorııalyq, ádistemelik jáne metodologııalyq aspektileri erekshe kórinis tabady.
Respýblıkalyq ǵylymı-tájirıbelik konferentsııada myna máselelerdi talqylaý qarastyrylǵan: Qazaqstandaǵy ulttyq mádenıet pen memlekettik tildi damytýdaǵy saıası zertteýlerdiń ádisteri men metodologııasynyń ózgeshelikteri; Qazaqstandaǵy ulttyq mádenıet pen memlekettik tildi damytýdaǵy baǵdarly joly.
Respýblıkalyq ǵylymı-tájirıbelik konferentsııaǵa Qazaqstannyń táýelsiz jáne memlekettik joǵary oqý oryndarynyń, ǵylymı-zertteý jáne saraptamalyq qurylymdary, BAQ jáne Memlekettik emes uıymdardyń ókilderi qatyspaq.
