Qazaqstannyń Ulttyq qorynda qansha aktıv bar
«Ulttyq qor aktıvteri bıylǵy mamyrdyń sońynda bir aıda 827 mln AQSh dollaryna ulǵaıyp, 58,5 mlrd AQSh dollaryn qurady. Bıylǵy mamyrda 251 mlrd teńgege nysanaly jáne kepildendirilgen transfertter bólýdi qamtamasyz etý úshin 553 mln AQSh dollary satyldy. Ulttyq qorǵa túsimder 450 mlrd teńge, onyń ishinde shetel valıýtasynda – 720 mln AQSh dollary nemese 308 mlrd teńge boldy», - dedi Erbolat Dosaev Úkimet otyrysynda.
Spıkerdiń aıtýynsha, Ulttyq qordyń ınvestıtsııalyq kirisi bıylǵy mamyrda 661 mln AQSh dollary nemese 1,15% bolǵan.
«Jyl basynan beri Ulttyq qordyń ınvestıtsııalyq kirisi negizinen aktsııalar naryǵyndaǵy ósýdiń jalǵasýyna jáne oblıgatsııalar naryǵyndaǵy qalpyna kelýge jáne bıylǵy sáýir-mamyrdaǵy altyn baǵasynyń ósýine baılanysty 1,64 mlrd AQSh dollaryn nemese 2,84%-ti qurady», - dep túsindirdi Ulttyq bank tóraǵasy.