Qazaqstannyń Ulttyq qor aktıvteri 75,8 mlrd. AQSh dollaryna jetti
ASTANA. QazAqparat - Qazaqstannyń Ulttyq qor aktıvteri 75,8 mlrd. AQSh dollarǵa jetti. Bul týraly búgin Ortalyq kommýnıkatsııalar qyzmetinde Úkimet otyrysynyń qorytyndysyna arnalǵan brıfıngte QR Ekonomıka jáne bıýdjettik josparlaý mınıstri Erbolat Dosaev málim etti.
"Baǵamdyq saıasattyń ózgerýi jalpy halyqaralyq rezervterdiń ósýin qamtamasyz etýge múmkindik bergenin atap ótken jón. Aǵymdaǵy jylǵy 1 maýsymdaǵy jaǵdaı boıynsha jyldyń basymen salystyrǵanda, olar 11,5%-ǵa ulǵaıdy jáne 27,6 mlrd. dollardy qurady. Ulttyq qordyń aktıvterdi 7,1%-ǵa ósti jáne 75,8 mlrd. AQSh dollaryn qurady", - dep atap ótti mınıstr.
