Qazaqstannyń ulttyq kompanııalarynyń taza tabysy 19 paıyzǵa artty

ASTANA. QazAqparat - Qazaqstanda transformatsııa baǵdarlamasynda 8 ulttyq kompanııa qamtylǵan. Olardyń bir jyldaǵy jıyntyq taza tabysy 19 paıyzǵa artty, dep habarlady finprom.kz portaly.

2016 jyldyń 1 jartyjyldyǵynda ulttyq kompanııalar 146 mıllıard teńge taza paıda tapty. Taýarlar men qyzmetterdi shyǵarýdyń ózindik quny qymbattaǵanyna qaramastan ulttyq kompanııalar ınflıatsııa qysymyn joıa bildi. Aǵymdaǵy jyly óndiristiń tabystylyǵy 18 paıyzdy  (2015 jylǵy deńgeıde) qurady.  Ulttyq kompanııalardyń jumys tetigin qaıta ózgertý olarǵa qyzmetti jandandyrý úshin qosymsha serpin beredi. Saýda kólemi ulǵaıady.

Kásiporyn qarajattyń az bóligin depozıtte ustap, kóbin óndiriske salady - bir jylda qarjylandyrýdan tabys aǵyny 17 paıyzǵa tómendedi.  Ulttyq kompanııalardyń jıyntyq shyǵystary bir jylda 22 paıyzǵa artty, alaıda birinshi kezekte ónim shyǵarýǵa baılanysty tikeleı shyǵyndar ulǵaıdy. Eńbekaqy tóleýge ákimshilik shyǵystar men shyǵyndar nebary 0,2 paıyzǵa, 157 mılıard teńgege deıin ulǵaıdy. Nátıjesinde jalpy somada mundaı shyǵyndardyń úlesi 19 paıyzǵa tómendedi (ótken jyly 23 paıyz).

Eske salsaq, 2014 jylǵy qyrkúıekte «Samuryq-Qazyna» AQ Dırektorlar keńesi Trasformatsııa baǵdarlamasyn maquldady, onyń maqsaty - holdıng kompanııasynyń qunyn ulǵaıtý, portfeldi basqarý tıimdiligin arttyrý, EYDU standarttaryna sáıkes keletin korporatıvtik basqarýdyń jańa qaǵıdattaryn engizý bolyp tabylady. «Samuryq-Qazynadan» basqa transformatsııa baǵdarlamasynda QTJ, Qazposhta, QazMunaıGaz, KEGOC, Samuryq-Energo, Qazatomónerkásip, Samuryq qazyna Kontrakt qamtylǵan.