Qazaqstannyń Ulttyq bankinde teńge salymdar ulǵaıdy
ASTANA. QazAqparat - Ekonomıkada teńgemen aktıvterge senimniń qalpyna kelýiniń jáne depozıtterdiń dollarlanýy tómendeýiniń oń úrdisi baıqalady. Bul jóninde QR Ulttyq bankiniń tóraǵasy Danııar Aqyshev Óskemende ótken «Altaı Invest-2016» halyqaralyq ınvestıtsııalyq forýmynda málim etti.
Ulttyq Bank basshysynyń aıtýynsha, halyqtyń jáne kásiporyndardyń qandaı da bir valıýtaǵa degen basymdyq berýi ózgerip jatyr, teńgedegi salymdardyń qarqyndy ósýi baıqalady. «Buǵan Ulttyq banktiń teńgedegi quraldardyń tartymdylyǵyn arttyrý boıynsha sharalary sebep boldy» dep túsindirdi ol.
Qazaqstanda 2016 jylǵy aqpannan bastap jeke tulǵalardyń ulttyq valıýtadaǵy depozıtteri boıynsha eń joǵary mólsherlemesi 10%-dan 14%-ǵa deıin artqanyn jáne shetel valıýtasyndaǵy depozıtter boıynsha mólsherlemeler 3%-dan 2%-ǵa deıin tómendegeni belgili.
