Qazaqstannyń Ulttyq banki daryndy jastardy izdeıdi
ASTANA. QazAqparat - Qazaqstan Respýblıkasynyń Ulttyq banki daryndy jas mamandardy izdesýge baǵyttalǵan kezekti naýqanynyń bastalǵanyn jarııalady, dep habarlaıdy QazAqparat.
Bank baspasóz qyzmeti taratqan málimetke sáıkes eń úzdik mamandardy tańdaý kezeń-kezeńimen júrgiziledi. Úmitkerlerge túıindeme men esse tapsyrý, psıhologııalyq testileýden jáne qurylymdyq bólimshelerdiń basshylarymen, sondaı-aq Ulttyq bank basshylyǵymen áńgimelesýden turatyn birneshe irikteý kezeńinen ótý usynylady.
Úmitkerlerdi tańdaý kezindegi negizgi ólshemsharttar: biliktilik deńgeıiniń joǵary bolýy, tıisti bilim, jumys tájirıbesi, halyqaralyq qarjy jáne til kýrstarynan ótý sertıfıkattarynyń bolýy, sondaı-aq úmitkerdiń áleýeti.
Sonymen Ulttyq bank qyzmetkeri bolǵyńyz kelse 2018 jylǵy 1 aqpan men 1 naýryz aralyǵynda banktiń resmı saıtynda ornalastyrylǵan «túıindemeniń» elektrondyq nusqasyn toltyryp, HR@nationalbank.kz elektrondyq meken jaıyna jiberýińiz qajet.
