Qazaqstannyń Ulttyq banki álemde altyndy satyp alýdan ekinshi boldy
ASTANA. QazAqparat - Qazaqstannyń Ulttyq banki álemde altyndy satyp alýdan ekinshi boldy. Úshinshi toqsandaǵy osyndaı málimetterdi Búkilálemdik altyn keńesi taratty, dep habarlaıdy «Jetinshi arna».
Mamandardyń pikirinshe, retteýshi dollar táýeldiligin tómendetý úshin sary metaldy belsendi satyp alýda.
Degenmen, taldaýshylar bul ıdeıanyń TMD elderi úshin keri áserin tıgize alatynyn joqqa shyǵarmaıdy. Qaýip amerıkalyq valıýtanyń nyǵaıýy men munaı baǵasynyń tómendeýinen altynnyń da arzandaýy múmkindiginde. Altynnyń troıa ýntsııasynyń (31,1 gr) baǵasy 1200 dollar shamasynda. Biraq 2015 jyly bul kórsetkishtiń 900 dollarǵa deıin tómendeýi múmkin.
Aǵymdaǵy jyldyń qazan aıynda Ulttyq banktiń valıýtalyq qory 21,3 mıllıard dollardy, altyn qory - shashamen 7 mıllıard dollardy qurady.
