Qazaqstannyń Ulttyq avıatasymaldaýshy kompanııasy «Álemniń úzdik avıakompanııasy» júldesiniń laýreaty atandy
ALMATY. Mamyrdyń 25-i. QazAqparat /Ádilet Musahaev/ - Ulttyq avıatasymaldaýshy - «Eır Astana» kompanııasy The Skytrax 2010 World Airline Awards júldesi aıasynda «Shyǵys Eýropanyń úzdik avıakompanııasy» atalymy boıynsha úshinshi orynǵa laıyq dep tanyldy,
dep habarlaıdy QazAqparat kompanııanyń baspasóz qyzmetine silteme jasap.
Halyqaralyqtáýelsiz Skytrax World Airline Awards júldesi dúnıejúziniń 2000-nan asa avıakompanııalarynyń arasynda 1999 jyldan beri jyl saıyn tapsyrylyp keledi. Álemniń 100-ge jýyq eliniń 17,9 mıllıon saıahatshysy Skytrax reıtıngtik kompanııanyń 2009 ben 2010 jyldardaǵy saýalyna jaýap bergen. Osy saýaldar jaýabynyń nátıjesinde atalym júldegerleri anyqtalaǵan.
«Eır Astana» AQ jolaýshylarǵa joǵary talaptarǵa saı qyzmet kórsetkendiginen Ortalyq Azııa, Reseı jáne TMD elderiniń avıakampanııalary arasynda taǵy da kósh bastap tur. Kompanııa qyzmetkerleri jumystaryn adal atqaryp, osyndaı joǵary dárejeli júldege qol jetkizgeni úshin shyn júrekten alǵysymdy aıtqym keledi», deıdi «Eır Astana» AQ-nyń prezıdenti Pıter Foster.
