Qazaqstannyń Ulttyq agroónerkásiptik palatasynda birqatar taǵaıyndaýlar oryn aldy
R.Týshıev E. Bóketov atyndaǵy Qaraǵandy memlekettik ýnıversıtetin «Quqyqtaný» mamandyǵy boıynsha bitirgen. Eńbek jolyn Qaragandy qalasynda «Vektor» JShS-de zańger bolyp bastady. Kommertsııalyq qurylymdarda basshylyq laýazymdardy atqarǵan. Bokstan QR eńbek sinirgen bapkeri. Úılengen, alty bala tárbıeleýde.
Sonymen qatar, halyqaralyq qatynastar jáne ınnovatsııalar máseleleri jónindegi vıtse-prezıdent laýazymyna, 1971 jyly Qaraǵandy oblysynda týǵan, Ajkenov Qýat Janataıuly taǵaıyndaldy. Q.Ajkenov E. Bóketov atyndaǵy Qaraǵandy Memlekettik Ýnıversıtetin «Psıhologııa» mamandyǵy boıynsha bitirgen. Alǵashqy jumys orny - Qaraǵandy oblysynda «Janataı» sharýa qojalyǵynyń basshysy. Osy ýaqytqa deıin «Innovation company» JShS bas dırektorynyn qyzmetin atqardy. Úılengen , úsh balasy bar.
Sondaı-aq, Agroónerkásiptik Palatanyń Manǵystaý oblysy boıynsha fılıalynyń dırektory laýazymyna, 1960 jyly týǵan, Mańǵystaý oblysynyń turǵyny, Saǵymbaı Ǵalymjan Úsenuly taǵaıyndaldy. Ǵ.Saǵymbaı 2005-2009 jyly aralyǵynda «Shaǵyn kásipkerlikti qoldaý Qory» aımaqtyq fılıalynyń dırektory, Mańgystaý oblystyq aýylsharýashylyǵy basqarmasynyń bastyǵy, «Qazagroqarjy» AQ-nyń Mańǵystaý oblysy boıynsha fılıalynyń dırektory laýazymynda qyzmet atqarǵan.
«Qazaqstannyń Ulttyq Agroónerkásiptik Palatasy» zańdy tulǵalar men jeke kásipkerler Qaýymdastyǵy 2009 jyldyń qyrkúıek aıynda qurylyp, Qazaqstan Respýblıkasy aýmaǵynda qyzmet atqarýda. Agroónerkásiptik Palatanyń basty maqsaty Palata músheleriniń quqyqtary men múddelerin qorǵaý, agrobıznespen ortalyq jáne jergilikti atqarýshy organdar arasynda dıalog uıymdastyrý, agroónerkásiptik keshen salasyndaǵy sýbektilerdiń, sondaı-aq qoǵamdyq birlestikter men uıymdardyń qyzmetterin biriktirý jáne ózara is-áreketin qamtamasyz etý, biryńǵaı is-áreket strategııasyn úılestirý jáne ázirleý, agroónerkásiptik ekonomıka salasyn damytýǵa jáne qoldaýǵa arnalǵan baǵdarlamalardy ázirleýge qatystýǵa, sonymen qatar Palatanyń aımaqtyq fılıal júıesin keńeıtý men qyzmetin qusheıtý bolyp tabylady, dep habarlady «Qazaqstannyń Ulttyq Agroónerkásiptik Palatasynyń» baspasóz qyzmetinen.