Qazaqstannyń ultaralyq tatýlyǵy bizge úlgi – AQSh sarapshysy

NUR-SULTAN. QazAqparat - Qazaqstannyń ultaralyq tatýlyǵy bizge úlgi bola alady. Mundaı pikirdi AQSh-tyń Qaýipsizdiktiń jahandyq ınstıtýtynyń prezıdenti Djonatan Granoff bildirdi, dep habarlaıdy QazAqparat tilshisi.

«Klımattyq ózgerister sııaqty pandemııaǵa da shekara joq. Degenmen, qarjylyq júıe biriktirilgen jáne onyń shekarasy bar. otteginiń 50-70 paıyzyn muhıttaǵy planktonnan alamyz. Muhıt da ottegi bóletin orman sııaqty sheksiz. Búkil álem úlken bir otbasy sanalady jáne bir-birimizben kórshimiz. Sondyqtan tabıǵatty qorǵaý úshin bir-birimizben yntymaqtastyqta bolýymyz kerek», - dedi ol Astana klýbynyń 6-otyrysy aıasynda BAQ ókilderine bergen suhbatynda.

Sonymen qatar Djonatan Granoff AQSh-tyń Qazaqstannyń ıadrolyq qarýsyzdanýy, etnostardyń bir aýmaqta beıbit ómir súrýi AQSh-qa úlgi bolatyndyǵyn basa aıtty.

«Qazaqstan kóptegen din men ult ókilderi beıbit ómir súretin, birneshe til erkin qoldanylatyn jáne eshqandaı ultaralyq janjal joq el. Osy arqyly sizder álemge úlgi bola alasyzdar. Tipti sizderde osynaý alýantúrlilikke arnalǵan mereke de bar. osy turǵyda Qazaqstan bizge úlgi bola alady. Munan bólek, Qazaqstannyń ıadrolyq qarýdan bas tartqanyn bilemiz. Sizderde 1,4 myń ıadrolyq oqtumsyq boldy. Álemde ıadrolyq oqtumsyqtardyń sany 65 myńnan 14 myńǵa qysqardy. Bul da jetistik ári osyǵan umtyla berýimiz kerek», - dedi AQSh sarapshysy.