Qazaqstannyń túrli aımaqtarynda sýǵa shomylý kezinde úsh bala qaza tapty
ASTANA. Maýsymnyń 3-i. QazAqparat - Qazaqstannyń túrli aımaqtarynda sýǵa shomylý kezinde úsh bala qaza tapty, olardyń eń kishisi 8 jasta,
dep habarlady QR Tótenshe jaǵdaılar mınıstrliginiń baspasóz qyzmetinen.
Maýsymnyń 2-si kúni Pavlodar oblysy Aqsý aýdanynyń Úshterek aýylynda jasandy sý qoımasyna shomylyp júrgen 14 jastaǵy bala batyp ketti. Onyń denesin sýda qutqarý qyzmetiniń mamandary alyp shyqty. Osy kúni keshkisin Atyraýda, Jaıyq ózenine batyp ketken 8 jastaǵy bala qaza boldy. Al Qyzylorda oblysy Qarmaqshy aýdanyna qarasty Aqaı eldi mekeninde, Syrdarııa ózenine batyp ketken 16 jastaǵy bozbalanyń denesin qutqarýshylar izdestirý ústinde.
