Qazaqstannyń Túrkııadaǵy elshisiniń júrgizýshisi jol apatynan qaza tapty: konsýldyqtyń úsh qyzmetkeri jaraqat aldy - BAQ
ASTANA. QazAqparat - Ankarada senbi keshke konsýldyqtyń avtomobıli jol apatyna ushyrady. Qazaqstan elshisiniń júrgizýshisi qaza tapty, konsýldyqtyń úsh qyzmetkeri jaraqat aldy, dep habarlaıdy Cihan.
Jol apaty senbi kúni saǵat 22-30 shamasynda Ankaradaǵy Kanýnı Sultan Súleımen býlvarynda oryn alǵan. Júrgizýshi Ferhat Sevıl kólik tizginine ıe bola almaı qalǵan, avtomobıl jol shetindegi kedergige soǵylyp baryp toqtaǵan, dep habarlaıdy basylym.
Polıtsııa, jedel járdem jáne órt sóndirý qyzmetiniń komandasy oqıǵa ornyna kelip jetken, olar tórt adamdy kólikten alyp shyqqan.
Dárigerler der kezinde kómek kórsetkenimen júrgizýshi oqıǵa ornynda kóz jumdy.
Oqıǵa boıynsha tergeý jumystary qolǵa alyndy.
