Qazaqstannyń Túrkııadaǵy elshisi qazaq jastarymen kezdesti

Bul týraly elshiliktiń Feısbýk áleýmettik jelisindegi resmı paraqshasynda habarlandy.

Kezdesýde elshi bıyl jarııalanǵan Qazaqstan Respýblıkasynyń Prezıdenti Nursultan Nazarbaevtyń «Qazaqstannyń úshinshi jańǵyrýy: jahandyq básekege qabilettilik» atty halyqqa arnaǵan Joldaýy men «Bolashaqqa baǵdar: rýhanı jańǵyrý» atty maqalasynyń negizgi baǵdarlary týraly málimet berdi. Sonymen qatar, Qazaqstannyń syrtqy saıasatyndaǵy jetistikteri men Qazaqstan-Túrkııa qarym-qatynasy týraly jáne aǵymdaǵy jyly Astanada ótetin EKSPO-2017 halyqaralyq mamandandyrylǵan kórmesi týraly áńgime qozǵady.

Óz kezeginde Ankarada bilim alyp júrgen qazaq jastary Elbasynyń ustanǵan saıasaty men respýblıkalyq basylymdarda jaryq kórgen maqalasy týraly pikirlerin bildirdi. Maqalada atalǵan máseleler boıynsha qoldaý kórsetýge, elshiliktiń uıymdastyryp otyrǵan is-sharalaryna qatysyp turýǵa nıet bildirip, Qazaqstannan keletin zııaly qaýym ókilderimen kezdesýge daıyn ekendikterin jetkizdi. Sondaı-aq, ýnıversıtetterde jastar klýbynyń ashylýy, ulttyq salt-dástúrdi nasıhattaıtyn sharalardyń ótýi jáne túrik jastarymen yntymaqtastyqty kúsheıtetin jobalardy qolǵa alýy boıynsha usynystar jasady.

Elshi Abzal Saparbekuly qazaq jastaryna mundaı kezdesýlerdi jıi-jıi ótkizýge ýáde berdi. Sonymen qatar, elshilikpen tyǵyz qarym-qatynasta bolýlaryna keńes berdi. Kezdesý sońynda jastar Elshige alǵys bildirip, jańa qyzmetine tabys tiledi.