Qazaqstannyń Túrkııada oqyǵan ımamdary kýrstaryn támamdady
ASTANA. 8 shilde. QazAqparat - Túrkııanyń Bolý qalasyndaǵy «Imamdardyń bilimin jetildirý ortalyǵynda» is tájirıbeden ótip, dinı biliktilikterin arttyryp jatqan elimizdiń jıyrma eki ımamy eki aılyq kýrsty tolyq támamdap, arnaıy kýáligin aldy.
Bul jaıynda Qazaqstan musylmandary dinı basqarmasynyń málimetterinde aıtylǵan.
«Jalpy, bul oqý ornynda ımamdardyń biliktiligin arttyrý úshin barlyq jaǵdaılar jasalǵan. Kýrs barysynda kúnine tórt mezgil tamaq berildi, dárishana, jataqhana, ınternet bólmeleri zaman talabyna saı qamtamasyz etilgen. Imamdaramyz eki aı barysynda barlyq múmkindikterdi tıimdi paıdalana bildi», delingen baspasóz baıanynda.
Oqý barysynda ımamdarǵa belgili professor oqytýshylar men qarı hafızder dáris oqydy. Sonymen qatar, ımamdarǵa eń qajetti degen aqıda, hutba, fıqh negizderi, ıslam tarıhy men Quran Kárim jáne tájýıd pánderine basa nazar aýdaryldy.
