Qazaqstannyń týrızm salasy koronavırýs saldarynan kirisiniń 80 paıyzynan aıyrylýy múmkin

NUR-SULTAN. QazAqparat – Bıyl Qazaqstannyń týrızm salasy koronavırýs saldarynan kiristeriniń 80 paıyzynan aıyrylady. Bul týraly QR Mádenıet jáne sport mınıstrligi Týrızm ındýstrııasy komıtetiniń tóraǵasy Dastan Rysbekov aıtty, dep habarlaıdy QazAqparat tilshisi.

«Koronavırýs indetiniń otandyq týrızmge keri áseri óte zor bolatyndyǵyn atap ótý kerek. Bizdiń esepteýlerimizge sáıkes, shekteý sharalarynyń engizilýine baılanysty bıyl kóshpeli týrızm salasyndaǵy shyǵyn 70-80 paıyzǵa jýyqtaıdy», - dedi Dastan Rysbekov Ortalyq kommýnıkatsııalar alańynda ótken brıfıng barysynda.

Máselen, onyń atap ótýinshe, Ulttyq bank málimetterine sáıkes, 2019 jylǵy týrızm salasy qyzmetteriniń eksport kólemi 2,5 mlrd AQSh dollaryn quraǵan. Osyǵan qaraı tótenshe jaǵdaıǵa baılanysty el Úkimeti «Atameken» Ulttyq kásipkerler palatasynyń jáne týrıstik qoǵamdastyqtyń usynysy negizinde týrızm salasyndaǵy sýbektilerdi memlekettik qoldaý boıynsha birqatar jedel shara ázirlegen edi.