Qazaqstannyń týrıstik salasynyń múmkindigi jylyna 10-20 mlrd. dollarǵa jetýi tıis - S. Áıimbetov
ASTANA. QazAqparat - Qazaqstannyń týrıstik salasynyń múmkindigi jylyna 10-20 mlrd. dollarǵa jetýi tıis. Búgin Májiliste elimizdegi týrızm salasyn damytý perspektıvalary jaıynda ótip jatqan Úkimet saǵatynda Ekonomıkalyq reforma jáne óńirlik damý komıtetiniń tóraǵasy, depýtat Seıitsultan Áıimbetov osylaı málimdedi.
Depýtattyń paıymynsha, týrıstik sala el ekonomıkasynyń jalpy damýyna serpin bere alatynyn sheteldik progressıvtik tájirıbeler kórsetip otyr. Osyǵan oraı, Seıitsultan Áıimbetovtiń aıtýynsha, básekelestik artyqshylyqtar durys paıdalanylsa týrızm ındýstrııasyna tikeleı qatysty (kólik, baılanys, qurylys, aýyl sharýashylyǵy jáne basqa osy sııaqty) 32 salanyń damýyna tikeleı nemese janama áser etýge bolady.
«Halyqaralyq sarapshylardyń derekteri boıynsha, týrızm tabystylyǵy kiris ákelý jaǵynan munaı óndirý ónerkásibinen jáne avtomobıl jasaý salasynan keıin álem boıynsha úshinshi oryndy ıelenedi. Alaıda, týrıstik áleýetke baı Qazaqstanda onyń úlesi eldiń JІÓ-ne shaqqanda bar bolǵany 0,3 paıyzdy quraıdy. Bizdiń kózqarasymyz boıynsha, Qazaqstannyń týrıstik salasynyń múmkindigi qarapaıym baǵamen alǵanda jylyna 10-nan 20 mlrd. AQSh dollaryna deıingi aralyqta jáne JІÓ qurylymynda 6-7 paıyzdy quraýy múmkin», - dedi depýtat S. Áıimbetov.
Onyń sózine qaraǵanda, týrızm jáne saıahat salasyndaǵy jahandyq básekege qabilettilik ındeksine sáıkes 2013 jyly Qazaqstan 140 eldiń ishinde 88-orynda turdy. «ıAǵnı 2011 jylmen salystyrǵanda bar bolǵany bes satyǵa kóterildi. Alaıda, jalpy kórsetkishterdi esepke alatyn bolsaq, biz 50-shi oryndamyz, ıaǵnı, týrızmniń jalpy damýǵa qosqan úlesi asa tańǵalarlyqtaı emes»,- dep túıindeıdi S. Áıimbetov.
