Qazaqstannyń týrıstik agenttikter qaýymdastyǵy UKP quramyna kirýge nıetti
Onyń aıtýynsha, týrıstik sala - kez-kelgen el ekonomıkasyndaǵy kúrdeli salalardyń biri. Kóp nárse adamı faktorǵa táýeldi. Naryqtaǵy básekelestik jáne kóptegen usynystar jaǵdaıynda fors-major jaıttarǵa ıkemdelýge týra keledi.
«Qazaqstan naryǵynda birneshe jyldan beri kompanııalardyń bankrottyq jaǵdaıǵa ushyraýy jıilep ketti. Damýshy naryq jaǵdaıynda sheteldik týroperatorlarmen ǵana emes, avıatasymaldaýshylarmen de máseleler týyndap jatty. Naryqqa ózin-ózi retteýshi organ qajet, sebebi týrızm salasynda kásipqoı mamandardan basqa eshkim de bul salany tártipke sala almaıdy», - dep atap ótti Ásel Nurkebaeva. Bir aıta ketetini, byltyr týrızm ındýstrııasy sýbektileriniń «Baıtaq» tutynýshylar kooperatıvi qurylǵan edi. «Ol osyndaı jaǵdaılarda turaqtandyrý qoryn paıdalana otyryp, der kezinde áreket etý úshin qurylǵan edi», - deıdi «Tourmagazine» JShS dırektory. Ol sonymen qatar Ulttyq kásipkerler palatasyna kirý - bul memlekettik organdarmen yntymaqtastyq baǵytyndaǵy qajet qadam ekendigin basa aıtty. «UKP negizi qalanǵan sátten beri týrızm naryǵynda ilgerileýler baıqalýda jáne biz bolashaq jobalarymyz ben yntymaqtastyǵymyz jemisti bolady dep senemiz. Biz ózara tıimdi árekettese alamyz», - dep qorytty Á.Nurkebaeva.