«Qazaqstannyń turǵyn úı jınaq banki» 2013 jyly 6 qyzmet kórsetý ortalyǵyn ashady
ASTANA. 25 tamyz. QazAqparat - 2013 jyly «Qazaqstannyń turǵyn úı jınaq banki» AQ qosymsha 6 qyzmet kórsetý ortalyǵyn ashýdy josparlaýda, dep habarlady Rm. kz saıty banktiń baspasóz qyzmetine silteme jasap.
«2012 jyly 5 qyzmet kórsetý ortalyǵy ashylǵan. 2013 jyly qosymsha 6 qyzmet kórsetý ortalyǵyn ashý josparlanýda», - delingen QTJB habarlamasynda.
2012 jyly ashylǵan qyzmet kórsetý ortalyqtary Astana, Aqtóbe, Qaraǵandy, Ekibastuz, Óskemen qalalarynda ornalasqan.
Banktiń málimetterine qaraǵanda, ústimizdegi jyly qyzmet kórsetý ortalyqtaryna kelýshiler sany kóp bolǵan. Mysaly, 2012 jylǵy І jartyjyldyqta Almaty qalasyndaǵy № 1 Qyzmet kórsetý ortalyǵyna 69 myńnan astam klıent kelgen.
Jańa qyzmet kórsetý ortalyqtaryn ashýdan basqa, 2012 jyldyń sońyna deıin klıentterge jaıly bolýy úshin banktiń barlyq fılıaldarynda ózderiniń tólem termınaldary qoıylyp, olar arqyly depozıtti toltyryp, zaımdy jabýǵa múmkindik týatyn bolady.
