«Qazaqstannyń turǵyn úı qurylys jınaq banki» AQ-y respýblıkalyq «Otbasy» aktsııasyn ótkizedi
ALMATY. Qazannyń 20-sy. QazAqparat /Erlik Erjanuly/ - «Qazaqstannyń turǵyn úı qurylys jınaq banki» AQ-y jeltoqsannyń 31-ine deıin respýblıkalyq «Otbasy» aktsııasyn ótkizedi. Aktsııa kezinde salymshylarǵa úshinshi turǵyn úı qurylys jınaq shartyn ózine nemese otbasy múshesine tegin jasalady.
Bul birinshi jáne ekinshi turǵyn úı qurylys jınaq sharty Banktiń komıssııalyq alymynyń tolyq mólsherdegi tólemin jasaǵan jaǵdaıda júzege asady. Mundaı jaǵdaıda úshinshi sharttyń shartty somasy aldyńǵy eki turǵyn úı qurylys jınaq sharttarynyń shartty somasynyń mólsherinen aspaýy tıis. Bul aktsııa kezinde salymshynyń jubaıy (zaıyby), ata-analary, balalary otbasy músheleri bolyp tanylady. Onda neke týraly kýálik, balanyń týýy týraly kýáligi týystyqty rastaıtyn qujattar bolyp tabylady. Aktsııa talaptarynyń buryn jasalǵan turǵyn úı qurylys jınaq sharttaryna, sondaı-aq keıinnen Memlekettik baǵdarlamalar sheńberinde turǵyn úı satyp alýǵa zaem alýdy kózdeıtin turǵyn úı qurylys jınaq sharttaryn jasaýshy QR Turǵyn úı qurylysyn damytýdyń 2005-2007 jyldar men 2008-2010 jyldarǵa arnalǵan memlekettik baǵdarlamasynyń qatysýshylaryna qatysy joq. Qazannyń 1-i men jeltoqsanyń 31-i aralyǵynda jasalǵan sharttardy keıinnen ózgertý jáne qyzmet kórsetý jalpy tarıftik baǵdarlamalar talaptarymen júzege asyrylady.
Jalpy, qazannyń 1-indegi málimet boıynsha banktegi turǵyn úı qurylys jınaq sharttarynyń sany - 198 371. Salymshylar jınaqtarynyń kólemi - 34,58 mıllıard, sharttyq soma - 331,63 mıllıard teńge. Al berilgen zaem sany - 23 626 bolsa, berilgen zaem kólemi - 72,41 mıllıard teńgeni qurady.
