Qazaqstannyń turǵyn úı qurylys jınaq bank baǵyty boıynsha qatysýǵa ótinish tapsyrýdyń jańashyldyǵy

Baspana satyp alý/jalǵa alý pýlyna qatysý týraly ótinish Bankte tirkelgen sátten bastap ol týraly aqpardy Bank saıtynda (www.hcsbk.kz ) «Salynyp jatqan baspana turǵyn úılerdi satyp alý» bóliminen kórýge bolady.

Pýl boıynsha ótinishterdi tirkeý ýaqyty men derekti tekserý úshin joǵaryda kórsetilgen mekenjaı boıynsha saıtta qalanyń atyn, qurylys nysanyn, pýldyń nómerin tańdaý qajet. Atalmysh bólimde naqty pýldar boıynsha Baǵdarlamalarǵa qatysý týraly berilgen ótinishterdiń sandyq kólemi jóninde aqparatpen tanysýǵa bolady.

Esterińizge sala ketsek, budan buryn pýlǵa qatysý týraly aqparat ótinishter qabyldanyp bolǵannan soń ǵana Bank saıtyna engiziletin. Jańa tártip arqyly Klıentter Baǵdarlama boıynsha qabyldanyp jatqan ótinishter barysynda óziniń pozıtsııalaryn baqylaı alatyn bolady.

Jalpy, pýlǵa qatysý úshin beriletin ótinishterdiń tártibi kelesideı:

Bank turǵyn úı qurylys jınaq júıesiniń qatysýshylary úshin naqty qurylys nysany boıynsha Jergilikti atqarýshy organdarymen (ary qaraı JAO) kelisimge qol qoıǵannan soń, buqaralyq aqparat quraldary men Bank saıtynda turǵyn úı satyp alýshylar pýlyna qatysýǵa ótinishterdiń qabyldana bastaǵany týraly habarlandyrý beredi.

Ótinishter 2 aı boıy qabyldanady. Baldyq júıe boıynsha berilgen ótinishterde turǵyn úı qurylys jınaq júıesine qatysýdyń ýaqyty men sapasy esepke alynady, maksımaldy baldyń sanyna qaraı qatysýshylardyń qatary salynyp jatqan páterlerdiń sanyna qaraı irikteledi.

Mysaly, eger 200 páterli úı salynyp jatsa, al túsken ótinishter sany 250 bolsa, onda tizimge maksımaldy ball kórsetkishine qol jetkizgen 200 ótinish berýshi ǵana engiziledi. Al qalǵan 50 adam «rezervtik» qatarda qalady. Maksımaldy ball jınaqtaǵan 200 ótinish berýshi tıisti qujattardy tapsyryp, páter satyp alý úshin tólem qabilettiligin rastaıdy. Eger olardyń bireýi tólem qabilettiligin dáleldeı almaıtyn bolsa, onda tizim «rezervtik» qatarda turǵandarmen toltyrylady.

Odan keıin baspanany bólý jumysy bastalyp, tólem qabilettiligin rastaǵandardyń tizimi jasalady, alaıda páterlerdi tańdap alýdyń basymdylyǵy maksımaldy balǵa qol jetkizgenderge beriledi. Ótinish berýshi belgilengen kúni tizim boıynsha salynyp jatqan úıde ózine laıyqty páterin, qabatyn, bólmeler jobasyn tańdap alatyn bolady. Bul derekter Baǵdarlamaǵa qatysý týraly qosymsha kelisimshartyna engizilip, oǵan Bank pen Klıent qol qoıady. Osy mezetten bastap Ótinish berýshige JAO tapsyrysy boıynsha salynyp jatqan qurylys úıdiń naqty páterin satyp alýshysy retinde Baǵdarlama qatysýshynyń statýsy beriledi.

Endi klıent úı qurylysynyń aıaqtalýyn kútip, turǵyn úı qurylys jınaqtaryn toltyryp otyrýy tıis. Úı qurylysy salynyp, paıdalanýǵa berilgennen keıin ǵana baspana satyp alynady.

Kimniń baspanasy bolmasa nemese turǵyn úı jaǵdaıyn jaqsartý qajet bolsa, aralyq jáne aldyn ala zaemdary boıynsha jeńildetilgen paıyzdyq mólsherlemeler qarastyrylǵan (teńgemen jyldyq 8%, aldyn ala turǵyn úı zaemdaryna jyldyq tıimdi mólsherlemesi 8,3% bastap, teńgemen jyldyq 6,5% - 7,6%, aralyq turǵyn úı zaemynyń jyldyq tıimdi mólsherlemesi 7,2%).

«Qoljetimdi turǵyn úı-2020» Baǵdarlamasy aıasynda aralyq jáne aldyn ala turǵyn úı zaemdaryn jeńildetilgen paıyzdyq mólsherlememen alý úshin Baǵdarlama qatysýshysy kelesi talaptarǵa saı bolý kerek:

1. Ótinish berýshiniń jáne onyń otbasy músheleriniń Baǵdarlamaǵa qatysýǵa ótinish beriletin eldi mekende menshik quqyǵynda baspanasynyń bolmaýy nemese sondaı-aq onyń otbasy músheleriniń menshigindegi paıdaly aýdannyń kólemi bir otbasy múshesine 15 sharshy metrden kem bolǵanda Ótinish berýshiniń turǵyn úı jaǵdaılaryn jaqsartý qajet.

2. ótinish berýshiniń jáne onyń otbasy músheleriniń ótinish beriletin eldi mekende sońǵy 5 jyl ishinde turǵyn úı jaǵdaılaryn ádeıi nasharlatý derekteriniń bolmaýy.

3. ótinish tapsyrylǵan eldi mekende tirkelý kerek (2 jyl);

4. Qazaqstan Respýblıkasynyń azamattyǵy nemese oralmannyń statýsynyń bolýy shart.

Turǵyn úı zaemyn alý ýaqyty áli kelmegende jáne aldyn ala jáne aralyq turǵyn úı zaemdaryn ala almaıtyn ótinish berýshiler bolsa, olar páterdi uzaq merzimdik jalǵa alý arqyly ony jekemenshikke satyp alýyna quqyly.