Qazaqstannyń turaqty ókili BUU Bas hatshysy Pan Gı Mýnǵa senim gramotalaryn tapsyrdy

ASTANA. 11 qańtar. QazAqparat - Nıý-Iorkte Qazaqstan Respýblıkasynyń Birikken Ulttar Uıymy janyndaǵy Turaqty Ókili Qaırat Ábdirahmanov Birikken Ulttar Uıymynyń Bas hatshysy Pan Gı Mýnǵa Senim gramotalaryn tapsyrdy. Bul týraly QR SІM baspasóz qyzmetinen habarlady.

Kezdesý barysynda taraptar jahandyq kún tártibiniń ózekti máselelerin, BUU-nyń halyqarlyq máselelerdi sheshýdegi róli jáne Qazaqstannyń osy úderiske qosyp jatqan úlesin talqylady.

Q.Ábdirahmanov Qazaqstannyń BUU-men kedeılikti joıý, áıelderdiń rólin nyǵaıtý jáne olardyń quqyqtaryn qorǵaý, memlekettik-jeke áriptestikti damytý, jańa jumys oryndaryn qurý, klımattyń ózgerýi, jappaı qyryp-joıý qarýyn taratpaý sııaqty Bas hatshy tarapynan belgilengen máseleler boıynsha birlesken jumysty jalǵastyrýǵa ázirligin bildirdi.

Bizdiń elimiz Turaqty damý maqsattaryn jáne Myńjyldyqtyń damý maqsattaryn júzege asyrýǵa belsene qatysýda. Qazaqstan Myńjyldyqtyń damý maqsattarynyń oryndalýy týraly halyqaralyq qoǵamdastyq aldynda alǵashqy bolyp esep berdi. Atap aıtqanda, kedeılikti azaıtý, bastaýysh bilim alý men orta bilim salasyndaǵy genderlik teńdikke qol jetkizý.

ıAdrolyq qarýdy taratpaý jáne energetıkalyq, sý, azyq-túlik qaýipsizdigi máseleleri Qazaqstannyń júzege asyryp jatqan 2017-2018 jyldardaǵy BUU Qaýipsizdik Keńesiniń turaqty emes múshesi ornyna saılaný naýqanynyń kún tártibinde tur.

Qazaqstan BUU-nyń ár túrli organdarynyń jumystaryna belsene qatysyp, 2014 jyldan bastap BUU ekonomıka men áleýmettik keńesiniń, esirtki zattar jónindegi komıssııanyń, BUU úılestirý keńesiniń AIV/JITS (VICh/SPID) baǵdarlamasynyń jáne ıÝNESKO-nyń dúnıejúzilik murasy komıtetiniń múshesi bolyp tabylady.